Instituti hidrometeorologjik i Kosovës, ka dhënë parashikimin e motit për vikendin.
Gjatë ditës së sotme, IHMK, ka bërë të ditur se, do të mbajë mot i vranët, ku temperaturat do të lëvizin mes 0 dhe 3 gradë celsius, ndërsa ato maksimale mes 14 dhe 17 gradë celsius.
Njoftimi:
Parashikimi i motit për vikend (2 & 3 Maj 2026)
E shtunë 
Do të mbajë mot i vranët, me intervale kohore me diell. Vranësirat, vende-vende – kryesisht në pjesën perëndimore dhe veriperëndimore – do të shoqërohen me riga shiu.
Temperaturat minimale do të lëvizin nga 0 deri në 3°C, ndërsa maksimalet e ditës nga 14 deri në 17°C.
Do të fryjë erë kryesisht nga verilindja, me shpejtësi 1–6 m/s.
E diel 
Parashihet mot me diell dhe vranësira të shpërndara.
Temperaturat minimale do të lëvizin nga 0 deri në 3°C, ndërsa maksimalet nga 15 deri në 17°C.
Do të fryjë erë nga veriperëndimi, e lehtë deri mesatare.
