“Montimet kundër Thaçit”, publikohet incizimi nga Zeka: Faik Imeri dhe Halit Sahitaj janë takuar me Dimiqin dhe Radojçiqin pak javë para arrestimit të Thaçit
Milaim Zeka ka treguar sesi Faik Imeri krijoi një rrjet të dëshmitarëve të rremë për t’i përdorur kundër Hashim Thaçit në Gjykatën Speciale. Njëri nga ta ishte edhe Halit Sahitaj.
Milaim Zeka ka folur për një takim sekret në Cyrih, ku sipas tij është kërkuar ryshfet për të mbrojtur Milo Gjukanoviqin dhe për të dëshmuar kundër Hashim Thaçit. Ai përmend përgjime, dokumente të fabrikuara dhe rolin kyç të Halit Sahitajt në këtë çështje.
Gazetari Milaim Zeka ka thënë se në fillim të vitit 2022, në muajin shkurt, është mbajtur një takim sekret mes shefit të shërbimit të Milo Gjukanoviqit në hotelin “Park Hyatt” në Cyrih, së bashku me Darko Peroviqin, i cili jeton dhe është biznesmen, me Faik Imerin dhe një person tjetër në cilësinë e prokurorit të Hagës.
Në takim i është thënë shefit të sigurimit malazez se kanë dosje të rënda për presidentin Milo Gjukanoviq, duke thënë se, për të mos u arrestuar nga CIA amerikane, duhet të jepen 100 milionë dollarë në “Black account” dhe të dëshmohet kundër Hashim Thaçit.
“Të njëjtën gjë kanë tentuar me ia dërgu Halitit, për të kërkuar para nga familja e Thaçit dhe ekzistojnë dokumente të fabrikuara nga Faik Imeri, sipas të cilit gjoja edhe Blerim Devolli i ka dhënë 10 milionë euro”, ka thënë Zeka në Debat Plus në RTV Dukagjini.
Ai tutje ka deklaruar se Imeri ka përgjuar prokurorë dhe persona të ndryshëm.
“Ai i ka përgjuar diku 32 dhoma të Swiss Diamond Hotel, me BIA-n serbe, me ndihmën e BIA-s serbe. Çfarë nuk ka bërë… Planet e tij kanë qenë që të flasë kundër meje tek ti, ti kundër meje – luftë speciale”, ka thënë ai.
Po ashtu, gjatë debatit është publikuar edhe një incizim telefonik mes Halit Sahitajt dhe prokurorit të lartë të Hagës, Alan Tieger.
“E kam taku me agjentin e CIA-s (Faik Imerin). Kemi ndejtë me Bojan Dimiqin, kemi hangër drekë me Bojan Dimiqin edhe me Radojçiqin, Milan Radojçiq edhe një agjent të lartë të xhandarmërisë, mes tetorit 2020”, i thotë Halit Sahitaj – prokurorit Alan Tieger në telefon, duke treguar sesi janë montuar akuzat kundër Thaçit.
Në vazhdim Sahitaj i thotë prokurorit Tieger se a jeni të sigurt se kam qenë me 1 tetor 2020 me dhënë deklaratën (dëshmin), përkthyesi i prokurorit Tieger përgjigjet “po jam i sigurt.
