Giovanni Galli, ish-portier i Milanit dhe Napolit, kampion bote më 1982, vlerëson mënyrën se si po e drejton Massimiliano Allegri: “Dora e tij duket qartë. Skuadra ka fituar aftësi në leximin e lojës, janë shtuar lojtarë të nivelit të lartë si Modric, që ndaj Napolit dukej sikur kishte vetëm 10 ndeshje pas shpine, jo 1000. Pashë një Milan konkret, pa zbukurime, solid dhe të vetëdijshëm për cilësitë e mangësitë e veta. Mund të jetë surpriza e madhe e sezonit”.
Për Napolin: “Nuk është rrëzuar, mbetet skuadër e fortë. Golat i pësoi kur po merrte kontrollin e lojës. Edhe në pjesën e dytë pati mundësi për barazim. Milani dhe Napoli kanë diçka më shumë se Inter, Roma e të tjerët”.
Rreth portierëve: “Maignan duhet të përmirësojë teknikën te devijimet, Meret është më i kompletuar teknikisht. Svilar është i guximshëm, vështirë t’i shënosh gol”.
Për De Bruyne dhe zëvendësimin e tij: “Nuk ka më shkëlqimin e dikurshëm, ka ritëm të njëjtë. Conte kërkoi më shumë energji dhe saktësisht theksoi lidershipin e tij. Nuk do të lejojë kurrë që të degradojë skuadra”.
The post “Modric ndaj Napolit dukej sikur kishte vetëm 10 ndeshje pas shpine, jo 1000” appeared first on Telesport.
