Inter ka fituar 0-1 ndaj Romës në supersfidën e javës së shtatë në Serie A, e luajtur në “Olimpico”. Zikaltrit e nisë vrullshëm, duke gjetur golin që në minutën e 6-të.
Ange-Yoan Bonny shënoi që në minutën e 6-të, pas një pasimi të gjatë fantastik që mori nga Nicolo Barella. Pjesa e parë mbyllet 0-1 për zikaltrit. Pjesa e dytë nis më mirë për Romën, e cila provoi me çdo mënyrë për të gjetur golin. Dovbyk pati shansin e artë për të barazuar shifrat në minutën e 60-të, por goditja e tij me kokë përfundon sipër traverës.
Rezultati nuk ndryshoi deri në fund, Inter fiton 0-1. Pas kësaj fitoreje, Inter barazon Romën dhe Napolin me nga 15 pikë, por zikaltrit marrin vendin e parë për shkak të golavarazhit më të mirë.
The post Mjafton goli i Bonny, Inter del me 3 pikë të arta nga “Olimpico” (video) appeared first on Telesport.
