Pablo Torre do largohet nga Barcelona dhe do transferohet te Mallorca. Mesfushori sulmues i pakënaqur me minutat e pakta te katalanasit, ka kërkuar një ekip të ri ku të ketë mundësi të jetë protagonist dhe këtë gjë mund ta bëjë më së miri te Mallorca, aty ku do jetë shokë ekipi dhe me sulmuesin e Kosovës, Vedat Muriqin.
Ky transferim, i cili u finalizua për pesë milionë euro, përfshin gjithashtu një klauzolë që do t’i lejojë Barcelonës të mbajë 50% të çdo shitjeje të ardhshme të lojtarit. Me këtë largim, Barcelona i thotë lamtumirë njërit prej talenteve të saj të rinj, ndërsa Mallorca shton një përforcim interesant që mund të bëjë diferencën dhe pas 2-3 sezonesh, mund të shitet për shumëfishin e vlerës për të cilin u arrit sot marrëveshja mes dy klubeve.
Për mesfushorin sulmues ka pasur interes edhe nga Villarreal, por Mallorca u tregua më e shpejtë dhe arriti marrëveshjen me katalanasit.
The post Mirupafshim Barcelona! Mesfushori largohet nga katalanasit dhe bëhet shokë ekipi me sulmuesin shqiptar appeared first on Telesport.
