Ministrja e Mjedisit dhe Burimeve Natyrore e Meksikës, Josefa Gonzalez-Blanco, ka dhënë dorëheqjen si pasojë e reagimeve të pasagjerëve pas lënies së avionit të presë më shumë se gjysmë ore për shkak të vonesës së saj gjatë një udhëtimi pune.
“Nuk ka asnjë arsyetim. Meksika ka nevojë për pajtim. Transformimi i vërtetë i Meksikës kërkon harmoni të plotë mbi barazinë dhe drejtësinë. Askush nuk është i privilegjuar. Benefiti i një personi nuk duhet të jetë mbi mirëqenien e shumicës, qoftë edhe nëse bëhet fjalë për të kryer një funksion”, është shprehur Blanco në median sociale, duke shpjeguar arsyen e dorëheqjes.
