Një lojtar i ri në krahun e djathtë për Milanin e Max Allegrit. Pas vizitave mjekësore dhe nënshkrimit të kontratës, kuqezinjtë kanë zyrtarizuar transferimin e Zachary Athekame, mbrojtësit të kërkuar me ngulm nga “Djalli” gjatë javëve të fundit. Lojtari i lindur më 2004, që vjen si transferim i përhershëm nga Young Boys, ka nënshkruar kontratë 5-vjeçare dhe do të veshë fanellën numër 24.
Ja komunikata zyrtare e klubit kuqezinj me këtë rast: “AC Milan njofton se ka siguruar shërbimet sportive të futbollistit Zachary Christopher Athekame nga BSC Young Boys, transferim i përhershëm. Mbrojtësi zviceran ka nënshkruar kontratë me klubin kuqezi deri më 30 qershor 2030.
I lindur në Vanløse (Danimarkë) më 13 dhjetor 2004, Zachary u rrit në sektorët e rinj të futbollit zviceran, mes Servette dhe Meyrin. Më 2022 kaloi te Neuchâtel Xamax, ku debutoi në futbollin profesionist dhe regjistroi 51 paraqitje e 2 gola, para se të transferohej te Young Boys, klub me të cilin regjistroi 47 paraqitje dhe 1 gol. Mbrojtësi, pjesë edhe e kombëtares zvicerane U-21, do të mbajë fanellën kuqezi numër 24”.
The post Milani zyrtarizon mbrojtësin e ri, kontratë 5-vjeçare. Athekame zgjedh fanellën me numrin 24 appeared first on Telesport.
