Milani e mbyll turin në Azi dhe Australi me një fitore të thellë në fushën e Perth Glory. Ndeshja përfundoi 9-0 për kuqezinjtë, në një miqësore pa histori. Në listën e golashënuesve janë Terracciano, Okafor (dopietë), Comotto (nga penalltia), Chukwueze, Leao (dopietë), Ricci dhe Musah.
Pjesa e parë – Allegri ndryshoi gjithçka krahasuar me miqësoret e mëparshme dhe provoi zgjidhje të reja. Formacioni titullar ishte me mbrojtjen katërshe. Estupinan si mbrojtës i djathtë dhe Leao në stol, për të vlerësuar më mirë Chukwueze dhe Okafor (në trident me Jimenez). Në mesfushë aktivizohej 17-vjeçari Comotto.
Terracciano e zhbllokoi ndeshjen menjëherë, më pas Okafor shënoi dopietë brenda 4 minutash. Kishte vend edhe për protagonizmin e Comotto, 17-vjeçar, i cili fitoi një penallti dhe e shndërroi me “panenka”. Rezultatin e thelloi Chukwueze.
Pjesa e dytë – Shumë zëvendësime nga Allegri në pjesën e dytë dhe kalim në skemën 4-2-3-1, me disa titullarë në fushë. Terracciano në portë në vend të Maignan, më pas Magni, Tomori, Thiaw dhe Bartesaghi në mbrojtje; Musah, Ricci dhe Fofana në mesfushë; Leao, Liberali dhe Saelemaekers në sulm.
Në fund, rezultati ishte 9-0 për Milanin. Leao hyri në fushë dhe shënoi dy gola (i pari pas vetëm 13 sekondash), Ricci shënoi golin e tij të parë me fanellën kuqezi, gol edhe Musah.
The post Milani i pamëshirshëm ndaj Perth Glory, fiton 9-0. Dopieta nga Leao dhe Okafor appeared first on Telesport.
