Pas barazimit dramatik në mesjavë ndaj Genoa në “San Siro”, ku mund të kishte humbur në fund, po të ishte i treguar i saktë nga penalltia, lojtari i miqve, Milan ka ngecur sërish sot. Kuqezinjtë kanë barazuar 1-1 ndaj Fiorentinës në “Artemio Franchi”, në sfidën e vlefshme për javën e 20-të në Serie A.
Pjesa e parë u dominua nga Milan, ku kuqezinjtë patën dy raste të mira me Christian Pulisic dhe Matteo Gabbia, por në të dy rastet, David de Gea ishte në pozicionimin e duhur.
Fiorentina e mbyll pjesën e parë me karton të kuq për trajnerin Paolo Vanoli, për shkak protestash, por rezultati mbeti 0-0. Rezultati do të zhbllokohej në minutën e 65-të. Albert Gudmundsson kroson nga këndi, Pietro Comuzzo dërgon me kokë topin në rrjetë.
Barazimi i kuqezinjve erdhi në fund të kohës së rregullt, Christopher Nkunku shënon golin e tretë me fanellën e Milanit. Francezi shënoi pas asistit të Youssouf Fofana. Pas këtij barazimi, Milan mban vendin e dytë me 40 pikë, Fiorentina në vendin e 18-të me 14 pikë.
The post Milan ngec sërish, Nkunku shpëton kuqezinjtë nga humbja në Firence (video) appeared first on Telesport.
