Pas tensioneve të muajve të shkuar dhe afrimit të javëve të fundit, ka ardhur më në fund momenti i rinovimit të Mike Maignan me Milanin. Agjentët e portierit francez janë paraqitur në selinë kuqezi në “via Aldo Rossi” për të formalizuar detajet e fundit të kontratës që do ta lidhë me “Djallin” deri në vitin 2030, me opsion edhe për sezonin pasues.
Marrëveshja parashikon një pagë që arrin deri në 5 milionë euro në vit, plus bonuse. Frika për ta humbur falas është lënë pas, drejtuesit dhe tifozët e Milanit mund të marrin frymë lehtësimi dhe të shikojnë përpara me atë që sot konsiderohet portieri më i mirë i Serie A.
Me pritjet e tij, ai mund t’i lejojë skuadrës së Allegrit, figurë kyçe në vendimin e “Magic Mike” për të qëndruar në Milano, të luftojë deri në fund me Interin për titullin kampion.
The post Milan–Maignan, gjithçka e mbyllur. Ja detajet e kontratës së re të portierit francez appeared first on Telesport.
