Më shumë se 2000 lopë duhet të theren në një fermë në Hungarinë veriore, ku disa kafshë janë infektuar me sëmundjen Afta Epizootike.
Për shkak të shpërthimit, i cili prek derrat, bagëtinë, delet dhe dhitë, autoritetet hungareze kanë krijuar një zonë sigurie me dy nivele rreth fermës, ku janë vendosur kufizime të rrepta dhe rekomandohet kontrolli i bagëtive.
Bëhet e ditur se përhaqpja është e dyta në vend këtë muaj, me 1600 kafshë të therura në Kisbajcs disa javë më parë.
Evropa Qendrore ka qenë e pastër nga sëmundja për më shumë se 50 vjet, por ajo u rishfaq në janar në rajonin e Brandenburgut të Gjermanisë, shkruan euronews, përcjell Telegrafi.
Rastet e reja janë shfaqur që atëherë në Hungari dhe Sllovaki, me katër epiqendra në Sllovakinë jugore dhe dy në Hungari.
Të dy vendet zbatuan një sërë masash për të frenuar përhapjen e sëmundjes: një zonë mbrojtëse me rreze tre kilometra rreth qendrave të epidemisë dhe një zonë vëzhgimi 10 kilometra ku monitorohet shëndeti i bagëtive.
Lëvizja e kafshëve gjithashtu është ndaluar dhe autoritetet hungareze kanë ndaluar gjuetinë në qarkun Gyor-Moson.
Sllovakia ka mbyllur pikat e vogla të kalimit kufitar dhe ka vendosur porta dezinfektimi në ato më të mëdha.
Raportohet se therja e bagëtive të infektuara dhe mënyra për të hequr qafe kufomat potencialisht infektive përbën gjithashtu një sfidë për autoritetet.
