Aktorja Sydney Sweeney mori pjesë në dasmën e Jeff Bezos dhe Lauren Sanchez në Venecia, dhe mbërritja e saj shkaktoi reagime të shumta, përfshirë komentet nga prezantuesja Megyn Kelly, e cila pretendon se ishte ftuar për shkak të pamjes së saj.
Megyn Kelly deklaroi: “Sydney Sweeney është ylli i ri i madh në qytet sepse ajo ka këto gjoksa të mëdha me të cilat të gjithë janë të fiksuar. Pyetja është se si ia doli të merrte një ftesë. Nëse do të ishin shoqet e Lauren Sanchez nga puna e saj e mëparshme, do të ishte e kuptueshme. Ftesa të tilla janë të zakonshme midis shoqeve të vjetra.
Gjithashtu, nëse do ta ftonin si pjesë të rrethit të biznesit që nga fillimi i Amazon, do të kishte kuptim. Edhe Bill Gates ishte atje, gjë që është e kuptueshme duke pasur parasysh statusin e tij në industrinë e teknologjisë.”
Sipas Page Six, Sydney ishte e ftuar në dasmë për shkak të rolit të saj kryesor në një film të ri nga Amazon MGM. Një burim pranë eventit thotë se aktorja nuk është një mikeshë e ngushtë e çiftit, por mori pjesë për të treguar respekt për punëdhënësin e saj, një praktikë e njohur që nga ditët e vjetra të Hollivudit.
Në festën e mbajtur një ditë para ceremonisë, Sydney tërhoqi shumë vëmendje, dhe në vetë dasmën ajo shkëlqeu me një fustan të gjatë rozë. Sipas mediave të huaja, ajo kërceu me Tom Brady dhe gjithashtu kaloi kohë me Orlando Bloom, i cili u nda së fundmi nga Katy Perry.
Gjithashtu, aktorja së fundmi i dha fund lidhjes dhe fejesës së saj afatgjatë me Jonathan Davino-n, dhe dasma e planifikuar në maj të këtij viti u anulua.
Burime pranë Sydney-t theksojnë se ajo tani është e përqendruar në punën e saj dhe se, pavarësisht një axhende shumë të ngarkuar, po shijon shumë projekte në të cilat po punon aktualisht. Sydney dhe Jonathan u takuan në vitin 2018 dhe u fejuan katër vjet më vonë.
