Autoritetet franceze konfiskuan 10 ton kokainë në portin e Dunkirk, duke e bërë këtë operacionin më të madh të kapjes së kokainës në Francën metropolitane.
Droga, e fshehur në kontenierë, ka një vlerë tregu prej rreth 320 milionë eurosh dhe ka origjinën nga Amerika e Jugut.
Ky konfiskim përbën gati një të pestën e të gjithë kokainës të kapur në vitin 2023. Ministria e Brendshme raportoi gjithashtu se në vitin 2024, kapjet e kokainës janë rritur me 130%, duke arritur në 53.5 ton, krahasuar me 23.2 ton në vitin 2023.
Nga ana tjetër, konfiskimet e kanabisit kanë rënë me 19% në 101 ton në vitin 2024. Kokaina është droga e dytë më e përhapur në Evropë pas kanabisit, sipas Agjencisë së Drogave të Bashkimit Evropian (EUDA).
