Klubet me renomë më të ulët kanë arritur fitore të mëdha në Europë kundër Hajdukut gjatë viteve të fundit. Kështu mund të mburret edhe Dinamo City, që të enjten mbrëma eliminoi splitianët nga raundi i tretë kualifikues i Ligës së Konferencës.
Publiku shqiptar është në delir, duke lartësuar “mrekullibërësin” Ilir Daja, i cili ka mundur dy herë Dinamon e Zagrebit, tani edhe një klub tjetër të madh kroat. Ky debakël i Hajdukut ka pasur jehonë mediatike në të gjithë rajonin.
“Hajduk Split u turpërua në Tiranë. Shqiptarët e eliminuan nga Europa në kohën shtesë, vendosën të ashtuquajturit ‘kosovarë’”, – nënvizon “Telegrafi”.
Në artikull thuhet: “Kalimi i raundit kualifikues dhe luajtja në fazën kryesore në Europë, edhe këtë vit, mbetet një ëndërr e paarritshme në Split. Hajduku kishte avantazh (2-1) nga ndeshja e parë, euforia mbushi Splitin, mbi 1.500 tifozë ‘Torcida’ udhëtuan drejt Tiranës. Sidoqoftë, atje përjetuan një natë të vështirë”.
Në të njëjtën linjë është edhe “Blic”: “Turpi i ri i futbollit kroat, Hajduku u eliminua nga shqiptarët. Dinamo mbetet përgjithmonë makthi i klubit nga Spliti”.
Edhe “SportSport.ba” konfirmoi se Hajduku i ka sjellë turp futbollit kroat: “Tragjedi për Hajdukun në Tiranë. Dinamo City shkatërroi ëndrrat e të bardhëve. Sërish njollë mbi futbollin kroat”.
Marrë nga 24sata.hr
The post Mediat rajonale: Hajduku u turpërua në Tiranë, “mrekullibërësi” Ilir Daja mbetet makthi i kroatëve appeared first on Telesport.
