Pas largimit të Ernest Muçit në merkaton e verës, ku sulmuesi kuqezi u huazua te Trabzonspor deri në fund të sezonit, me të drejtë blerjeje për 10 milionë euro, të njëjtin fat duket se do të ketë edhe Milot Rashica.
Anësori i Kosovës ka humbur prej kohësh vendin e titullarit te Besiktas dhe nuk po kalon momente të mira. Mediet turke raportojnë se Trabzonspor po ndjek më vëmendje situatën e Rashicës dhe do të provojë transferimin e tij gjatë merkatos së janarit.
Klubi i Trabzonspor kërkon të bëjë bashkë dy shqiptarët Muçi-Rashica, ku për të dy do të ketë të drejtën e blerjes në fund të sezonit. Pas largimit nga Besiktas, Muçi ka rigjetur formën e tij më të mirë dhe po shkëlqen në ndeshjet e fundit me fanellën e Trabzonspor, ku në dy fitoret e fundit, ka shënuar 3 gola dhe ka fituar një penallti.
The post Me Muçin bënë “bingo”, Trabzonspor kërkon tani edhe shqiptarin tjetër që luan te rivalët appeared first on Telesport.
