Një nga transferimet më të bujshme të merkatos së fundit ishte padyshim edhe ai i Mateo Retegui nga Atalanta te klubi arab, Al Qadsiah, për rreth 67 milionë euro.
Në një intervistë të fundit për mediet vendase, Retegui la të kuptohet se e kërkoi edhe Milan gjatë verës, por oferta e kuqezinjve nuk ishte ajo e duhura.
“Pati disa klube që ishin të interesuara përfshi këtu edhe Milanin, por negociatat nuk ishin të suksesshme, ndërsa Al Qadsiah ishte më konkrete dhe skuadra që më donte më shumë”, tha Retegui.
Është përfolur shumë që Federata Italiane e Futbollit ishte e pakënaqur me vendimin e Retegui për t’u transferuar në Arabinë Saudite, nga frika se kjo mund të dobësonte zhvillimin e tij.
“Me gjithë respektin për Gabriele Gravinën dhe Federatën, kam një raport të mirë me ta dhe ata mund të kenë mendimin e tyre, por nuk dua të flas për këtë, pasi komentet e mia mund të shtrembërohen”, shtoi sulmuesi.
The post “Më kërkoi edhe Milan, por Al Qadsiah ishte skuadra që më donte më shumë” appeared first on Telesport.
