Kryeministri i Shqipërisë, Edi Rama, ka pritur në Tiranë liderët evropianë në një ditë me reshje shiu.
Me një çadër në dorë, Rama qëndroi në tapetin e kuq, ndërsa në sfond dëgjohej kënga “Zjerm” nga Shkodra Elektronike, përfaqësuesja e Shqipërisë në Eurovisionin e këtij viti.
Deri më tani, në kryeqytetin shqiptar kanë mbërritur Sekretari i Përgjithshëm i NATO-s, Mark Rutte, si dhe Kryeministri i Spanjës, Pedro Sanchez
Takimi i sivjetëm i Komunitetit Politik Evropian zhvillohet nën moton: “Evropa e re në një botë të re: unitet – bashkëpunim – veprim i përbashkët”.
Aktiviteti nis me një seancë plenare ku do të diskutohet për sigurinë dhe vizionin e përbashkët për të ardhmen e kontinentit.
Më pas do të zhvillohen tri tryeza të nivelit të lartë rreth temave të mëposhtme: Siguria dhe qëndrueshmëria demokratike e Evropës, duke përfshirë luftën agresore të Rusisë kundër Ukrainës -Konkurrenca dhe siguria ekonomike sfidat e lëvizshmërisë dhe fuqizimi i të rinjve BE-ja do të përfaqësohet nga Presidenti i Këshillit Evropian, António Costa, i cili do të bashkë-kryesojë takimin së bashku me Kryeministrin e Shqipërisë, Edi Rama.
