Humbja e mbrëmshme 2-1 ndaj Wolves të vendit të fundit duket se i ka vënë “vulën” fatit të Arne Slot. Holandezi do të qëndrojë deri në fund të sezonit në krye të kuqve dhe më pas do të largohet.
Mediet angleze bëjnë me dije se drejtuesit e Liverpool po shqyrtojnë dy alternativa. I pari është Xabi Alonso, i cili aktualisht është i “pa punë” pas përvojës së fundit aspak të mirë te Real Madrid. Spanjolli do ta pranonte me kënaqësi drejtimin e Liverpool-it.
Emri i dytë, që është dëshira e madhe e drejtuesve të Liverpool është Jurgen Klopp. Por, rikthimi i gjermanit duket se ka pak shanse që të ndodhë. I angazhuar tashmë në një rol të ri drejtues në kompaninë “Red Bull”, Klopp ka hedhur poshtë mundësinë për një rikthim te të kuqtë. Po ashtu për trajnerin gjerman ka interes të madh edhe nga Real dhe Atletico Madrid, ndaj rikthimi te Liverpool duket një ëndërr e pamundur.
The post Mbushet “kupa” për Arne Slot: Një trajner i ri dhe një emër i pamundur, dy alternativat kryesore për stolin e Liverpool-it appeared first on Telesport.
