Gjykata Themelore e Prishtinës ka konfirmuar aktakuzën kundër Rozeta Hajdarit dhe tre të tjerëve.
Të premten e kaluar, një trup gjykues i Departamentit Special hodhi poshtë ankesat e të akuzuarve kundër aktakuzës së ngritur nga Prokuroria Speciale.
Për këtë rast po akuzohen ish-ministrja e Tregtisë, Rozeta Hajdari, dy zyrtarët e Ministrisë, Hafiz Gara e Irfan Lipovica si dhe biznesmeni Ridvan Muharremi.
Paparaci ka provuar të kontaktojë me Nazim Mehmetin, avokatin e Hafiz Garës, për të marrë një qëndrim për refuzimin e ankesave të parashtruara nga mbrojtja në këtë rast.
Por, avokati Mehmeti ka qenë i paarritshëm përmes telefonit të martën.
Paparaci e ka siguruar ekskluzivisht vendimin që lë në fuqi aktakuzën për korrupsion dhe zbulim të fshehtësisë zyrtare ndaj ish-ministres së Tregtisë në Qeverinë Kurti II.
Sipas atkvendimit, aktakuza ka prova të mjaftueshme, nuk ka shkelje procedurale dhe është e bazuar ligjërisht.
Ekskluzive: Konfirmohet aktakuza ndaj Rozeta Hajdarit, refuzohet kërkesa për hedhje
