Për të bindur bankën të blinte startup-in, Javice kishte siguruar JP Morgan se Frank kishte 4.25 milionë klientë, kur në realitet kishte vetëm 300 mijë.
Charlie Javice ishte në fillim të të 20-tave kur themeloi Frank, një startup që premtoi se do t’ua lehtësonte jetën studentëve të kolegjit duke i ndihmuar ata të merrnin ndihmë financiare për studimet e tyre.
Startup-i u ble nga JP Morgan Chase për 175 milionë dollarë në korrik 2021.
Për të bindur bankën, Javice kishte siguruar JP Morgan se Frank kishte 4.25 milionë klientë, ndërsa në realitet kishte vetëm 300 mijë.
Tani sipërmarrësja është dënuar për mashtrim dhe rrezikon të kalojë rreth tridhjetë vjet burg për falsifikim të të dhënave.
Ankesa e Jp Morgan kundrejt Javice, një e diplomuar në Shkollën Wharton të Universitetit të Pensilvanisë, u emërua në listën e Forbes Under 30 në vitin 2019.
JP Morgan e paditi atë në dhjetor 2022, duke e akuzuar se gënjeu për numrin e klientëve të Frank.
Katër muaj më vonë, prokurorët e Manhattan-it e akuzuan atë për mashtrim dhe konspiracion.
Sipas prokurorëve, Javice dhe Olivier Amar, ish-shefi i rritjes së Frank, paguan një shkencëtar të dhënash për të fryrë bazën e klientëve.
Javice ka deklaruar pafajësinë e saj dhe ka zgjedhur të mos dëshmojë në gjyq.
Avokati i saj, Jose Baez, ka argumentuar se JP Morgan e dinte bazën e klientëve të startup-it përpara se të finalizonte blerjen.
