Real Madrid po vuan shumë në transfertën ndaj Girona, e vlefshme për javën e 14-të në La Liga. Pjesa e parë është mbyllur 1-0 për vendasit.
Pjesa e parë e ndeshjes ishte disi e mërzitshme, me një lojë të vakët dhe me pak raste nga të dy ekipet, por minutat e fundit të pjesës së parë ishin vërtet të bukura.
Në minutën e 40-të, Real Madrid gjen golin me të zakonshmin Kylian Mbappe, i cili shënon pas një rrëmuje në zonë. Festa e madrilenëve shkon kot, pasi ndërhyn VAR dhe goli anullohet për prekje të topit me dorë nga Mbappe, para se ta dërgonte atë në rrjetë.
Vetëm pak minuta më pas, Girona gjen avantazhin me golin e bukur të Azzedine Ounahi, pas asistit fantastik nga Tsygankov. Pjesa e parë mbyllet me shifrat 1-0.
The post Mbappe shënon, por festa prishet nga… VAR. Girona gjen direkt avantazhin (video) appeared first on Telesport.
