Ministrja e Arsimit, Shkencës, Teknologjisë dhe Inovacionit, Arbërie Nagavci, sot do të mbajë konferencë për media.
Ajo do të mbahet me fillim nga ora 13:00. Lajmi është konfirmuar nga MAShT-i.
Nuk është bërë e ditur tema, megjithatë ditëve të fundit është diskutuar lidhur me mundësitë e furnizimit me libra.
Kanë mbetur rreth tri javë që të fillojë procesi mësimor parauniversitar dhe Ministria e Arsimit ende nuk ka bërë të ditur se cili do të jetë modeli që ka zgjedhur për furnizimin e nxënësve me mjetet shkollore.
Nuk dihet nëse do të ndiqet forma e vitit të kaluar me subvencionim, apo me anë të tenderit librat të jepen falas.
