Arsenal ka bërë detyrën duke fituar 1-4 në transfertën ndaj Portsmouth dhe ka kaluar në raundin tjetër të FA Cup. Vendasit e nisën në mënyrë perfekte takimin, duke gjetur golin pas 3 minutave të para.
Pas një aksioni të shpejtë dhe pritjes së parë të Kepa Arrizabalaga, ishte Colby Bishop, ai që dërgoi topin në rrjetë. Megjithatë, reagimi i “Topçinjve” ishte i menjëhershëm, duke përmbysur shifrat brenda pjesës së parë.
Fillimisht, londinezët barazuan shifrat në minutën e 8-të, falë një autogoli, pas një goditjeje këndi. Në minutën e 25-të, Noni Madueke kroson nga këndi, Gabriel Martinelli dërgon me kokë topin në rrjetë.
Në fund të pjesës së parë, Noni Madueke gabon nga penalltia, duke humbur shansin e madh për të gjëtur golin e tretë. Pjesa e parë mbyllet 1-2 për Arsenalin.
Londinezët e nisin shumë mirë edhe pjesën e dytë, duke gjetur golin e tretë me Gabriel Martinelli, pas asistit të brazilianit tjetër, Gabriel Jesus. Në minutën e 71-të, Noni Madueke kroson nga këndi, Gabriel Martinelli, dërgon me kokë sërish topin në rrjetë, duke kompletuar hat-trickun e tij. arsenali fiton 1-4 dhe shkon në raundin tjetër.
The post Martinelli i pandalshëm, Arsenal me fitore bindëse në FA Cup (video) appeared first on Telesport.
