Trajneri i Chelsea, Enzo Maresca, ka lavdëruar talentin adoleshent brazilian të Estevao si “të përulur”, duke e krahasuar me Cole Palmer. 18-vjeçari ishte ylli i Chelsea, teksa të rinjtë e ekipit londinez mundën Ajax 5-1 në “Stamford Bridge” në Champions League.
I pyetur për Estevao, i cili shënoi një penallti në pjesën e parë, Maresca tha: “Është emocionuese ta shikosh atë. Gjëja e mirë me Estevao është se ndonjëherë me lojtarë të rinj shqetësohesh sepse pas një ndeshjeje që luan mirë ata mendojnë se janë në krye”.
“Por Estevao është i sjellshëm, i përulur dhe dëshiron të mësojë. Familja e tij bëri një punë të mirë me të. Jemi të lumtur me mënyrën se si luan, por edhe sepse është një djalë i mirë”, tha Maresca.
Chelsea fitoi sërish pa Palmer, i cili është ende jashtë për shkak të një dëmtimi, por Maresca thotë se Estevao sjell shumë nga të njëjtat cilësi si ylli i Anglisë. “Për mua, ai është shumë i ngjashëm me Cole Palmer, të cilin e kisha në një moshë shumë të ngjashme te Manchester City,” shtoi ai.
“Cole filloi të luante në krah sepse duhej të ndërtonte fizikalitetin e tij dhe tani po luan brenda. Me Estevao, ata janë mjaft të ngjashëm. Tani ai po luan në krah, por në të ardhmen mendoj se ai është më shumë një lojtar i brendshëm”, tha Maresca.
The post Maresca u gëzohet të rinjve: Chelsea ka shumë talente, por ai është i përulur dhe kampion appeared first on Telesport.
