Marco van Basten do të largohet përkohësisht nga puna si komentator në “Ziggo Sport” për të qenë pranë bashkëshortes së tij, Lisbeth. Ish-kampioni i Milanit ishte një figurë e përhershme e “talk show” javor, ku analizonte ndeshjet më të rëndësishme të Champions League, Serie A dhe La Liga.
Televizioni publikoi të plotë njoftimin zyrtar: “Marco van Basten nuk do të shfaqet më në ‘Ziggo Sport’ për muajt e ardhshëm. Bashkëshortja e tij, Liesbeth, është e sëmurë rëndë dhe në muajt në vijim do t’iu nënshtrohet trajtimeve intensive, pjesërisht parandaluese”.
Vetë Van Basten deklaroi: “Dua t’i përkushtohem plotësisht shërimit të Liesbeth në muajt e ardhshëm. Pa dyshim do të jetë një periudhë e vështirë, por jemi shumë besimplotë për një rezultat pozitiv”.
Drejtori i “Ziggo Sport”, Marcel Beerthuizen, shtoi: “Jemi thellësisht të tronditur nga ky lajm. Shprehim solidaritetin tonë me Liesbeth, Marco dhe familjet e tyre. Iu urojmë shumë forcë për periudhën që vjen”.
The post Marco van Basten ndërpret punën në TV, do të qëndrojë pranë bashkëshortes së sëmurë appeared first on Telesport.
