Manchester City i ka ofruar mesfushorit spanjoll Rodri një kontratë të re, sipas Fabrizio Romano. Muajin e kaluar, Rodri refuzoi të përjashtonte një transferim të ardhshëm te Real Madrid kur të largohet nga Manchester City.
Pretendohet se “los blancos” janë interesuar për 29-vjeçarin, që ka ende edhe një vit kontratë me “citizens”. Nëse spanjolli refuzon marrëveshjen e re të City, atëherë skuadra e Pep Guardiola thuhet se do të kërkojë një tarifë të lartë këtë verë.
Gjithsesi, trajneri spanjoll kërkon t’ia mbushë mendjen bashkëatdhetarit të tij që të qëndrojë sa më gjatë në Etihad. Për momentin palët janë në bisedime, me
Rodri që do të reflektojë në lidhje me ofertën e re të City.
Rodri ka luajtur për Atletico Madrid më herët në karrierën e tij, por ai këmbëngul se kjo nuk do ta pengonte atë të bashkohej me rivalët e tyre të qytetit nëse do t’i lindte mundësia. Ai tha se do të donte të kthehej për të luajtur në atdheun e tij një ditë.
The post Manchester City i ofron Rodri një kontratë të re, Guardiola kërkon ta mbajë gjatë në Etihad appeared first on Telesport.
