“Parada” e Mike Maignan ndaj Dybala në Milan-Roma jo vetëm konfirmoi rikthimin e portierit në nivelet më të larta, por rihapi gjithashtu çështjen e rinovimit të tij kontraktual. Francezi, gjatë verës ishte pranë largimit.
Situata aktuale? Maignan, kontrata e të cilit skadon më 30 qershor 2026, mund të nënshkruajë me çdo klub nga janari si transferim pa pagesë. Performancat e shkëlqyera të portierit dhe rëndësia e tij në dhomën e zhveshjes ngrenë nevojën për një vendim të qartë nga klubi kuqezi.
Çfarë mund të bëjë Milani? Për të rifilluar negociatat, pas mosmarrëveshjeve që lindën me refuzimin e transferimit te Chelsea, do të duhej një gjest i rëndësishëm nga drejtuesit. Megjithatë, sipas “Tuttosport”, rikthimi i negociatave nuk është ende në axhendë.
Mosmarrëveshjet nisën në shkurt 2025, kur një marrëveshje verbale për tri vite me 5.5 milionë euro neto, plus bonuse, u pezullua për shkak të disa gabimeve të Maignan, si ai ndaj Feyenoord. Në qershor, Chelsea arriti një marrëveshje paraprake me portierin, por Milani vendosi çmimin prej 25 milionë eurosh, duke bllokuar transferimin. Në këtë moment, “stand by” vazhdon, por performancat e Maignan dhe mbështetja e Allegrit mund t’i rihapin diskutimet për rinovimin.
The post Maignan rikthehet në top-formë, tundohet Milani. Negociatat për rinovim mund të rihapen appeared first on Telesport.
