Ish-komandanti i UÇK-së në zonën e Drenicës, Sami Lushtaku, u shpreh se ka marr me shqetësim ftesën e Gjykatës Speciale për Ramush Haradinajn.
Duke e quajtur mik, Lushtaku deklaroi se Ramushi do të dalë fitimtar edhe në këtë betejë.
“Me shqetësim mora lajmin për ftesën që i është bërë nga Gjykata Speciale, mikut tim Ramush Haradinaj.
Lufta e UÇK-së ka qenë luftë e drejtë dhe e pastër dhe e tillë është dëshmuar në vazhdimësi, para gjykatave vendore dhe ndërkombëtare. Ashtu si në të kaluarën, Ramushi do të dalë fitimtar edhe në këtë betejë”, tha Lushtaku.
