Para sfidës së radhës në Champions League ndaj Newcastle, lojtarët e Barcelonës duket se kanë ndjerë ngarkesën e një sezoni të ngjeshur. Pas ndeshjes kundër Athletic Bilbao, disa prej futbollistëve katalanas raportuan shenja të dukshme lodhjeje.
Raphinha tha: “Nuk jam shumë i lodhur. Ndihem mirë, lodhja është nga ndeshja e fundit, por ka lojtarë që janë shumë më të lodhur se unë”. Fermin Lopez shtoi: “Është e vështirë të rikuperosh kaq shpejt. Personalisht isha i lodhur, të martën kemi një tjetër betejë për ta përballuar”.
Pedri shpjegoi: “Ishim shumë të lodhur për të luajtur, prandaj nuk u aktivizova që nga fillimi i ndeshjes”. Situata tregon presionin e madh fizik me të cilin po përballen blaugranët, ndërsa sfida ndaj Newcastle kërkon maksimumin e energjive dhe fokusit.
The post Lojtarët e Barcelonës pranojnë shterimin e energjive përpara Newcastle appeared first on Telesport.
