Mesfushori i Juventusit, Manuel Locatelli, foli për “Sky Sport” pas humbjes 2-0 në shtëpi, kundër Benficës: “E nisëm të bllokuar, patëm vështirësi si në presing, ashtu edhe në mbajtjen e topit. Portugezët luajtën më mirë se ne, prandaj duhet të punojmë në heshtje dhe të ecim përpara si ekip. Në momente të tilla dalin në pah burrat, jo thjesht lojtarët”.
Çfarë ju mungon?
Përvoja është vendimtare. Nëse shikoni moshën mesatare të ekipit, jemi shumë të rinj. Ka lojtarë që janë në vitin e parë të tyre te Juventusi dhe në Serie A, si Savona e Mbangula, ata po bëjnë shumë mirë. Brenda grupit na mungon pak përvoja, gjë që duhet ta kompensojmë me punë të përditshme. Dihej që ky do të ishte një vit ndërtimi.
Do të luani ndaj PSV ose Milanit në “play off”…
Nuk ka kuptim të mendojmë për shortin tani. Duhet të përqendrohemi te ndeshja e së dielës dhe të përballemi me këtë moment të vështirë me kokën lart. Le të flasin të tjerët për shortin…
