Liverpool ka mposhtur 1-0 Arsenalin në supersfidën e luajtur në “Anfield”. Dy ekipet e konsideruara si favoritet kryesore në garën për titullin kampion, u përplasën mes tyre që në javën e tretë.
Arne Slot dhe Mikel Arteta e nisën me formacionet më të mira të mundshme. Për londinezët mungonte Bukayo Saka për shkak dëmtimi, ndërsa transferimi i bujshëm i javës së fundit, Eberechi Eze e nisi nga stoli.
LIVERPOOL XI: Alisson; Konaté, Van Dijk, Kerkez; Szoboszlai, Mac Allister, Gravenberch; Salah, Wirtz, Gakpo; Ekitike.
ARSENAL XI: David Raya; Timber, Saliba, Gabriel, Calafiori; Mikel Merino, Zubimendi, Rice; Madueke, Gyökeres, Martinelli.
Ndeshja nisi shumë keq për “Topçinjtë”, pasi William Saliba la fushën e lojës pas 5 minutash për shkak dëmtimi. Në vendin e tij u aktivizua blerja e kësaj vere, Cristhian Mosquera. Pjesa e parë u dominua nga Arsenal, por rezultati shënoi 0-0 në fund të 45 minutave.
Zëvendësimet e kryera nga të dy trajnerët në pjesën e dytë nuk është se sollën ndonjë ndryshim në fushë. Fati i ndeshjes do të vendosej në minutën e 83-të, ku Dominik Szoboszlai ekzekutoi në mënyrë të përsosur një goditje dënimi nga distanca dhe topi përfundoi në rrjetë.
Për “Topçinjtë” nuk pati shumë kohë për të reaguar dhe ndryshuar fatin e ndeshjes, Liverpool fiton 1-0 dhe merr kryesimin e Premier League me 9 pikë të plota në 3 ndeshje.
The post Liverpool mposht Arsenalin falë një goli të jashtëzakonshëm dhe merr kryesimin (video) appeared first on Telesport.
