“Po shkelet Kushtetuta, ata janë të vetëdijshëm se çka po bëjnë” – Lista Serbe paralajmëron ankesë në Kushtetuese
Igor Simiq nga Lista Serbe është deklaruar pas dështimit të seancës për zgjedhjen e nënkryetarit të Kuvendit të Kosovës nga radhët e komunitetit serb.
Ai tha se shorti për nënkryetarin është jokushtetuese.
“Po shkelet Kushtetuta, ata janë të vetëdijshëm se çka po bëjnë”, tha Simiq.
“Nënkryetari duhet të ketë mbështetjen e shumicës së deputetëve serbë, dhe në këtë rast ai është Slavko Simiq”.
Simiq mes tjerash theksoi se Lista Serbe do të ankohet në Gjykatën Kushtetuese rreth kësaj çështjeje.
