Një nga limuzinat e presidentit rus, Vladimir Putin, ka shpërthyer në flakë pas një shpërthimi të madh në një rrugë të Moskës.
Një nga automjetet që besohet të jetë “flota zyrtare e makinave” e presidentit rus u dogj nga flakët pranë selisë së shërbimit sekret FSB, të Moskës.
Besohet se zjarri nisi në motorin e makinës, por menjëherë pas kësaj, pjesa e brendshme e limuzinës Aurus mori flakë plotësisht.
Ndërsa tymi i zi mbuloi rrugën, stafi nga restorantet përreth nxituan jashtë për të provuar të ndihmonin përpara se shërbimet e urgjencës të zbrisnin në vendngjarje.
Nga videot e filmuara dallohet se pjesa e pasme e makinës është dëmtuar rëndë nga zjarri i madh.
Nuk dihet se kush ishte në timonin e makinës dhe as çfarë e shkaktoi shpërthimin.
