I rrethuar nga djem që mund të jenë fëmijët e tij, Robert Lewandowski, në moshën 37 vjeç, është ende po aq i uritur sa ishte 10 ose 15 vjet më parë. Polaku është më i përqendruar se kurrë për të qëndruar në formë.
“Unë jam ende këtu për të treguar më të mirën time“, tha ai në një intervistë me BBC në lidhje me lidhjen e tij me Barcelonën. Sulmuesi po hyn në sezonin e tij të 22-të si futbollist profesionist dhe ka shënuar më shumë se 700 gola në karrierë.
Lamine Yamal nuk kishte lindur kur Lewandowski filloi karrierën, por pavarësisht se është 19 vjet më i madh se ai, sulmuesi beson se mund të mësojë nga lojtarët më të rinj: “Kam kuptuar se nuk mund të luftoj me ta, por mund t’i ndihmoj ata dhe ata mund të më ndihmojnë edhe mua. Po mësoj shumë nga djemtë“.
Lidhja e shkëlqyer midis Lewandowski dhe Yamal është e dukshme, duke rezultuar shpesh në shaka dhe shkëmbime që bëhen shpejt virale. “Është hera e parë në jetën time që kam parë diçka kaq të veçantë pas 50 minutash“, rrëfen ai.
“Nuk mund ta besoja sepse nuk kisha parë kurrë një lojtar të tillë në atë moshë. Mendova se ishte e pamundur në moshën 15 vjeç“, tha polaku. Nëse Lamine nuk e fiton Topin e Artë këtë vit, për Lewandowski është thjesht një ngjarje e shtyrë.
“Sezoni i Lamine Yamal ishte i pabesueshëm, por ka ende shumë rrugë për të bërë. Nëse jo këtë vit, ndoshta vitin tjetër. Raphinha gjithashtu pati një sezon të pabesueshëm. Kemi lojtarë që mund të jenë favoritë për të fituar këtë çmim“, shton ai.
The post Lewandowski: Nuk mund të luftoj me djemtë e rinj te Barça, por mund t’i ndihmoj ata appeared first on Telesport.
