Historia midis Milan dhe Mike Maignan është në një udhëkryq vendimtar. Këtë javë, pritet një kontakt vendimtar midis menaxhmentit të klubi kuqezi dhe Jonathan Kebe, agjentit të portierit.
Qëllimi është i qartë: Rinovimi i kontratës që deri para disa muajsh dukej i pamundur, dhe të sigurohet portieri francez, kontrata e të cilit skadon më 30 qershor. Oferta e Milan është e mirë,.
Furlani dhe Tare kanë përgatitur një propozim “në stilin Leao” për të bindur Maignan: një kontratë deri në vitin 2029 (me një opsion deri në vitin 2030) me një pagë totale prej 7 milionë eurosh (5 milionë euro fikse plus 2 milionë euro bonuse).
Kjo shifër do të përputhej me pagën e sulmuesit portugez, duke e bërë kapitenin lojtarin tjetër më të paguar në skuadër. Ky është një sinjal i fortë, i nevojshëm për t’i mbyllur derën përfundimisht Juventus, Chelsea dhe Manchester United, të cilët mbeten të interesuar.
Kuqezinjtë janë optimistë, pasi rihapja e bisedimeve dhe mundësia për t’u ulur përsëri në tryezën e negociatave janë detaje të rëndësishme. Dashuria e trajnerit, shokëve të ekipit dhe tifozëve, janë përbërësit më të mirë për të shpresuar për miratimin e Maignan.
The post Lëvizja surprizë, Milan i ofron Maignan të njëjtën pagë si Rafael Leao për ta mbajtur, ja detajet appeared first on Telesport.
