La Liga ka lëshuar një komunikatë duke respektuar vendimin e fundit të Gjykatës Provinciale të Madridit për Superligën, por sqaron se ky vendim nuk miraton asnjë format konkret gare. Sipas saj, gjykimi fokusohet vetëm tek aspektet proceduriale, duke kërkuar që sistemet e autorizimit të jenë transparente, objektive dhe të rishikueshme, pa u prononcuar mbi mundësinë e turneve alternative ose projektin e Superligës 2021.
“Vendimi nuk është në asnjë rast miratim i Superligës apo ndonjë formati tjetër, – tha Javier Tebas, president i La Liga. – Thjesht rikujton se rregullat duhet të zbatohen me transparencë dhe objektivitet”. La Liga riafirmon angazhimin për integritetin dhe stabilitetin e garave kombëtare, respektimin e rregullave të Bashkimit Europian dhe dialogun me klubet për çdo inovacion që nuk dëmton ligat, tifozët apo zinxhirin sportiv.
“Do të mbrojmë modelin europian bazuar në meritë sportive, solidaritet dhe qëndrueshmëri, – shtoi Tebas, duke paralajmëruar se nuk do të jepen “çeqe të bardha” për projekte që rrezikojnë ekuilibrin e futbollit. – La Liga do të vazhdojë të bashkëpunojë me organet kompetente për të siguruar kuadër objektiv dhe të sigurt për klubet dhe tifozët”.
The post La Liga analizon vendimin për Superligën: Nuk nënkupton miratim për asnjë format appeared first on Telesport.
