Rinor Korqa është i riu që u ekstradua nga Britania e Madhe për në Kosovë këtë të enjte.
Ai është arrestuar nga autoritetet britanike pasi ishte shpallur në kërkim për veprën penale “grabitja”, e cila kishte ndodhur në rajonin e Prishtinës më 22 dhjetor 2017.
“I dyshuari pas ekstradimit, u është dorëzuar njësiteve përkatëse të policisë rajoni i Prishtinës për vazhdim me procedurat tjera ligjore”, thonë nga policia e Kosovës.
Megjithatë, i njëjti ishte dënuar më pesë vjet e gjashtë muaj burgim në janar 2024, për dhunim ndaj një gruaje në lagjen Havering të Londrës.
Siç ka raportuar Metro, viktima, e cila ishte ndarë nga miqtë e saj gjatë një nate daljeje, ishte përdhunuar nga 28-vjeçari.
