Një nga legjendat e Manchester United dhe futbollit anglez, Gary Neville, ka analizuar situatën te “djajtë e kuq”, 24 orë pas shkarkimit të trajnerit Ruben Amorim. Ai beson se ky ndryshim nuk do të sjellë ndonjë gjë shumë positive të skuadra.
“Do të doja të mendoja se ndryshimi do të ndihmojë ekipin. Amorim tregoi kur e ndryshoi sistemin në dy javët e fundit se ka një grup lojtarësh emocionues atje që mund të shkojnë dhe të bëjnë gjëra të bukura”, tha Neville.
“Më pëlqyen performancat kundër Newcastle dhe Bournemouth sepse pashë gjëra që demonstruan një lloj energjie sulmuese, rreziku dhe guximi, dhe ishte emocionuese për tifozët”, shtoi ish-lojtari anglez.
Më tej, Neville shtoi: “Pra, nëse kjo mund të ndodhë, mendoj se në thelb do të kthehemi në një sistem me të cilin mendoj se lojtarët mund të jenë më të mësuar. Kjo mund t’i ndihmojë ata në të ardhmen”.
“Por e kam parë këtë situatë edhe më parë ndaj të mos mendojmë se gjithçka do të përmirësohet menjëherë. Kushdo që do të vijë nuk do ta shpëtojë sezonin e United. E kemi parë edhe herë të tjera që gjërat të shkojnë keq”, tha Neville.
The post “Kushdo që e zëvendëson Amorim nuk do ta shpëtojë sezonin e Manchester United” appeared first on Telesport.
