Kryeministri në detyrë, Albin Kurti, edhe sot ka refuzuar të përgjigjet para gazetarëve nëse i ka numrat për formimin e Qeverisë.
Ai u pa duke hyrë në Kuvend, por nuk dha ndonjë përgjigje para gazetarëve.
Kuvendi i Kosovës do të përpiqet për herë të tretë të konstituohet, pas dy tentativave të pasuksesshme të mëparshme. Seanca është thirrur të mbahet në ora 12:00
Ditën e enjte seanca dështoi të mbahet pasi kryesuesi i seancës, Avni Dehari i LVV-së ftoi për konsultë partitë politike dhe më pas e ndërpreu seancën duke thënë se “nuk pati konsensus” se si të vazhdohet tutje.
Subjektet politike, LVV, PDK, LDK, AAK fajësuan njëra – tjetrin për bllokim të institucioneve.
