Lionel Messi, tashmë 38 vjeç, po i afrohet fundit të karrierës së tij si futbollist, dhe së fundmi ka konfirmuar se po mendon realisht për ditën kur do të njoftojë largimin nga kombëtarja. Edhe pse pas fitores në Kupën e Botës 2022 pritej që ai të tërhiqej nga kombëtarja, Messi ka vendosur të vazhdojë deri në përfundimin e Botërorit 2026, duke synuar mbrojtjen e titullit kampion.
Në komentet e tij të fundit, “Pleshti” ka bërë të qartë se objektivi i tij është pjesëmarrja në Kupën e Botës 2026, pas së cilës pritet që të mbyllë përfundimisht karrierën ndërkombëtare.
“Nuk e di nëse do të ketë ndeshje miqësore apo më shumë ndeshje pas kësaj që do luajmë me Venezuelën. Do të jem i shoqëruar nga familja ime, gruaja, fëmijët dhe prindërit e mi”, ka deklaruar Messi.
The post Kur do t’i japë fund aktivizimit me Argjentinën? Messi jep një gjysmë përgjigjeje appeared first on Telesport.
