Portugalia nis sot ndeshjet kualifikuese për Kupën e Botës 2026. Luzitanët e kanë mbyllur pjesën e parë 0-3 në transfertën në Yerevan, ndaj Armenisë.
Në minutën e 9-të, Joao Cancelo bën vetë gjithçka bukur në fundore dhe kroson në zonë, aty ku Joao Felix dërgoi me kokë topin në rrjetë. Në minutën e 20-të, ishte radha e Cristiano Ronaldo për të dyfishuar shifrat, pas asistit perfekt në zonë nga Pedro Neto. Në minutën e 32-të ishte Joao Cancelo i cili gjeti golin e tretë, pas një goditjeje të fuqishme brenda zonës. Cancelo e festoi golin njësoj siç bënte i ndjeri Diogo Jota.
Në grupin K, në “Villa Park” në Birmingham, Anglia po fiton 1-0 ndaj Andorrës. Në minutën e 25-të, një krosim i Noni Madueke devijohet me kokë nga mbrojtësi i Andorës, Christian Garcia dhe përfundon në rrjetë. Në këtë grup, Serbia fitoi më herët 0-1 ndaj Letonisë në transfertë. Shqipëria është pushim.
The post KUALIFIKUESET: Gjithçka e lehtë për Portugalinë, Anglia bën detyrën appeared first on Telesport.
