Real Madridi humbi 2-1 në ndeshjen e parë çerekfinale të Champions League ndaj Bayernit, kryesisht për shkak të gabimeve në mbrojtje, megjithëse ofensiva e ekipit ishte e madhe. Gjermanët arritën avantazhin 2-0, por një gol i Kylian Mbappé mban gjallë shpresat e skuadrës së Arbeloa për kthimin e 15 prillit në Mynih.
Mes kritikave për lojën e Real Madridit, ish-lojtari Roy Keane, duke folur në CBS, e përqendroi vëmendjen te Trent Alexander-Arnold për golin e Luis Díaz: “Dëgjoni, jam lodhur. E njëjta histori në çdo ndeshje të rëndësishme. Të gjithë flasin për sa mirë e kalon topin, por çfarë ndodh me bazën, me mbrojtjen. Në këtë nivel, në Champions League, nuk mund të shpërqendrohesh kështu”.
Ai shtoi: “Është gabim fëmijësh. Si lejon që Luis Díaz të të kalojë sikur nuk je aty? Ju lutem. Vazhdon të mbrosh sikur nuk ke luajtur kurrë si mbrojtës i djathtë në jetën tënde. Ndeshjet e rëndësishme kërkojnë mbrojtës të mëdhenj, tani ai është shumë larg këtij niveli”.
The post Kritika të ashpra për lojtarin e Real Madridit: Jam lodhur, e njëjta histori në çdo ndeshje të rëndësishme appeared first on Telesport.
