Komisioni Qendror i Zgjedhjeve ka njoftuar se procesi i numërimit dhe verifikimit të votave po vazhdon në Qendrat Komunale të Numërimit (QKN).
Sipas përditësimit të KQZ-së të martën në orën 16:00, deri më tani është përmbyllur puna në katër QKN: Junik, Mamushë, Zveçan dhe Hani i Elezit.
Nga ora 16:00 ka nisur puna edhe në tri Qendra të tjera Komunale të Numërimit – në Prishtinë, Podujevë dhe Kllokot.
Deri në këtë orë, janë verifikuar rezultatet për:
550 vendvotime për kryetarë komunash,
334 vendvotime për subjektet politike,
dhe janë numëruar votat për kandidatët në 334 vendvotime.
Rezultatet po publikohen në platformën zyrtare të KQZ-së: resultslocal2025.kqz-ks.org
