Koordinatorja e OKB-së në Kosovë kërkon të mos mbahen kontakte zyrtare me Qeverinë Kurti

Autori i emisionit “Rubikon” në Klan Kosova, Adriatik Kelmendi ka zbuluar se koordinatorja e OKB-së në Kosovë ka kërkuar që të mos mbahen kontakte zyrtare me Qeverinë Kurti.

Gazetari gjatë transmetimit të emisionit, tha se në letrën e dërguar nga ajo tek agjencitë e OKB-së, thuhet se kjo kërkesë është bërë për shkak të mungesës së legjitimitetit të kësaj qeverie, njofton Klankosova.tv.

“Sot kanë marrë agjencitë e UN-it letër nga koordinatorja e OKB-së në Kosovës që të mos mbajnë kontakte zyrtare me përfaqësuesit e Qeverisë së Kosovës, për shkak të mungesës së legjitimitetit, pra është një informacion ekzkluziv”, u shpreh tutje Kelmendi.