Ministri i Punëve të Brendshme, Ivica Daçiq, konfirmoi se policia ka armë kumbuese ose, siç njihet ndryshe, “top zëri”, që janë sisteme të blera në vitin 2021 dhe janë në pronësi të Ministrisë së Punëve të Brendshme (MUP).
“Këto sisteme janë në magazinat tona në kuti. Ato janë në pronësi të Ministrisë së Punëve të Brendshme, por nuk janë futur në përdorim, as nuk janë instaluar në ndonjë mjet apo sistem tonin”, tha ai për Danas.
Kur u pyet se pse kishte thënë më parë që MUP-i nuk ka “top zëri” ose armë të tjera të ngjashme, ministri shpjegoi se ishte një deklaratë e pasaktë.
“Është një deklaratë e pasaktë. Kjo do të thotë se MUP-i nuk e ka përfshirë këtë mjet në arsenalin e mjeteve të dhunës”, tha Daçiq.
Pyetjes se pse shteti kishte blerë sistemin përpara se të ishte lejuar përdorimi i tij, Daçiq iu përgjigj se “ka qenë një investim i gabuar. Ndoshta atëherë është menduar se do të miratohej një ligj i ri për policinë, i cili do të parashikonte përdorimin e armëve kumbuese si një mjet tjetër dhune”.
Për atë se kush do të përgjigjej për “investimin e gabuar” dhe paratë e shpenzuara të qytetarëve, Daçiq nuk kishte një përgjigje të qartë “nuk e di, atëherë nuk isha ministër i policisë”.
