Emri i Davide Frattesi rikthehet sërish në qendër të merkatos për Interin. Sipas asaj që raporton “Sky Sport”, anglezët e Newcastle janë vënë përsëri në lëvizje për ta marrë mesfushorin italian.
Në Milano ka mbërritur interesimi konkret i klubit anglez, i cili ka propozuar huazim me detyrim blerjeje. Megjithatë, detyrimi për ta blerë do të aktivizohej vetëm në kushte të vështira. Pikërisht për këtë arsye, Interi nuk e ka pëlqyer ofertën.
Drejtuesit zikaltër e vlerësojnë mesfushorin rreth 40 milionë euro. Edhe pse Frattesi nuk është nxjerrë kurrë realisht në merkato, shitja e tij do të merrej në konsideratë vetëm me kushte më të thjeshta dhe me të ardhura pothuajse të sigurta.
Pra, qoftë në rastin e shitjes përfundimtare, edhe me detyrim blerjeje, vlejnë klauzola më të lehta për t’u arritur. Nëse Newcastle dëshiron me të vërtetë ta mbyllë marrëveshjen për mesfushorin italian, atëherë duhet ta bëjë shpejt ofertën e duhur.
The post Klubi anglez ngulmon për Frattesi, oferta e parë nuk pëlqehet nga Interi. Ja detajet e plota appeared first on Telesport.
