Ish-trajneri i Liverpool, Jurgen Klopp, i ka bërë homazh Mohamed Salah pas vendimit të tij për t’u larguar nga “reds” në fund të këtij sezoni. Trajneri gjerman e ka cilësuar egjiptianin si “një nga më të mirët e të gjitha kohërave”.
“Ishte një gëzim, ishte një sfidë, ishte punë e vështirë nga të dyja palët. Jam shumë i sigurt se pati një ditë në jetën e Mo ku ai ëndërroi diçka të tillë, atë që ka arritur. Nuk mund ta imagjinoja që diçka e tillë është e mundur”, tha Klopp.
Më tej, trajneri gjerman komentoi: “Numrat që prodhoi në fushë, performancat që tregoi. Disa prej tyre do të jenë të pakrahasueshme përgjithmonë, jam shumë i sigurt”.
“Golat që ai shënoi, qëndrueshmëria që tregoi, dëshira dhe padurimi u bënë gjithnjë e më të mëdhenj. Çdo vit ai kthehej pas pushimeve verore me një aftësi të re, një ide të re. Një nga më të mëdhenjtë e të gjitha kohërave, padyshim”, konfirmoi Klopp.
“Ai ishte pjesë e tre sulmuesve më të mirë në futbollin botëror për një kohë të gjatë dhe kjo thotë diçka. Nuk është e lehtë të jesh pak mbi dy djemtë e tjerë si Sadio Mane dhe Roberto Firmino. Mo ishte ai që gjithmonë e kishte golin në mendje. Nuk mund ta stërvitësh atë. Është brenda“, tha ish-trajneri i Liverpool.
“Shpresoj vërtet që ai ta shijojë pjesën tjetër të sezonit dhe në ditën e fundit të ndeshjes të gjithë të keni një buzëqeshje në fytyrë, të jeni të lumtur dhe mirënjohës që ishit pjesë e një prej karrierave më të pabesueshme në të cilat do të jemi ndonjëherë pjesë”, tha Klopp.
The post Klopp vlerëson Salah pas deklaratës së lamtumirës dhe kujton kohën kur Liverpool dominonte në Europë appeared first on Telesport.
