“Të jem i sinqertë, kur gjërat nisën kaq mirë me të, për një moment e pyeta veten, si çdo njeri, nëse isha i lumtur që po shkonin ashtu. Po, ecuria e Liverpool-it ishte vërtet e bukur. Më bën të lumtur”. Pas ngritjes së shpejtë të Arne Slot në vendin e tij, në stolin e Liverpool-it, kampion i Anglisë, Jürgen Klopp nuk ka ndjerë asnjë ndjenjë zilie.
Jo, tekniku gjerman dhe ish-trajneri i “Reds” nuk ndjen zili. Tani për të ekziston vetëm “Red Bull” dhe roli i tij si “Head of Global Soccer”, siç tregon në një intervistë për gazetën gjermane “Die Welt”, edhe pse lidhja me Liverpool-in mbetet e shkëlqyer:
“Ruajmë marrëdhënie të shkëlqyera. Me disa lojtarë shkruhemi ndonjëherë, ose më dërgojnë ndonjë foto nga pushimet. Pronarët e klubit janë bërë miq të mirë. I kam shkruar edhe Arne (Slot) disa herë, jemi takuar vetëm një herë. Atëherë u tregua i kënaqur nga gjesti im”.
58-vjeçari nga Stutgarti ka bërë edhe një vizitë në Angli: “Së fundi u ktheva në Liverpool, në rolin tim si ambasador për ‘LFC Foundation’. Ishte kënaqësi t’i shihja sërish të gjithë. Njëherazi jam i lumtur që nuk duhet të jem më aty çdo ditë. Koha ime te Liverpool-i ishte e mrekullueshme, por ka përfunduar. Kam marrë me vete një tufë të larmishme kujtimesh, 99% e tyre janë pozitive”.
The post Klopp nuk e harron Liverpool-in: 99% kujtime pozitive, flas ende me lojtarët dhe trajnerin Slot appeared first on Telesport.
