Kim Kardashian po i afrohet gjithnjë e më shumë qëllimit të saj për t’u bërë avokate në Kaliforni.
Së fundmi, ajo iu nënshtrua një testi të rëndësishëm ligjor (MPRE), i cili është i nevojshëm për të vijuar rrugëtimin e saj në këtë fushë.
Pas kalimit të “baby bar” në 2021, ajo synon të marrë licencën e avokatisë deri në 2026, shkruan DailyMail.
Ndërkohë, Kim po përballet me një përplasje ligjore me ish-bashkëshortin e saj, Kanye West.
Ajo po shqyrton mundësinë e ndryshimit të marrëveshjes së kujdestarisë për katër fëmijët e tyre, pas publikimit të një kënge nga Kanye, ku përfshihet vajza e tyre North, pa miratimin e saj.
Pavarësisht përpjekjeve për një zgjidhje paqësore, Kanye publikoi këngën, duke shkaktuar tensione të reja.
Ai e ka akuzuar Kim për kufizimin e të drejtave të tij prindërore, ndërsa ajo synon të mbrojë fëmijët nga veprimet e tij të paparashikueshme.
Sipas burimeve, prioriteti kryesor i Kim-it mbetet mirëqenia dhe siguria e fëmijëve të saj.
