Kim Min-jae, mbrojtës i Bayern Munich, foli pas fitores 2-1 ndaj Real Madridit, duke komentuar edhe mbetjen jashtë të Italisë nga Botërori: “Më vjen shumë keq, kombëtarja axurre ka lojtarë të shkëlqyer. Në të luajnë shumë miq të mi, do të më kishte pëlqyer t’i takoja në Botëror. Ne duam të luajmë një fazë eleminatore të bukur dhe mezi presim që turneu të nisë”.
Disa klube italiane e kanë kërkuar më parë, pritet që Interi, Juventusi dhe Milani të tentojnë sërish, ndoshta që në verë. Kim tha: “Mund të them se përvoja te Napoli ka qenë shumë pozitive për mua, e kujtoj me kënaqësi. Tani jam i fokusuar vetëm tek ajo që sapo thashë, nuk kam asgjë tjetër për të shtuar.”
Në këtë sezon, ai ka luajtur 7 ndeshje në Champions League dhe 20 në Bundesliga, me një gol dhe një asist, plus 2 në Kupën Gjermane dhe një në Superkupën Gjermane. Në karrierën e tij ka 109 paraqitje dhe 5 gola me Bayernin, 60 ndeshje dhe 3 gola me Jeonbuk Hyundai, 59 ndeshje me BJ Guoan, 45 ndeshje dhe 2 gola me Napoli, 40 ndeshje dhe 1 gol me Fenerbahçe dhe 17 ndeshje me Gyeongju KHNP. Me kombëtaren e Koresë së Jugut ka 77 ndeshje dhe 4 gola.
The post Kim “driblon” pyetjet për kthimin në Itali: “Përvoja te Napoli ka qenë vërtet pozitive” appeared first on Telesport.
